લય વગર— ખલીલ ધનતેજવી
લય વગર— ખલીલ ધનતેજવી
>
લય વગર, શબ્દો વગર,મત્લા વગર,
હું ગઝલ લખતો રહ્યો સમજ્યા વગર.
તેં તો તારો છાંયડો આપ્યો મને,
હું જ ના જંપી શક્યો તડકા વગર!
કેદ છું,ભીંતો વગરના ઘરમાં હું,
સંતરી ઉભો છે દરવાજા વગર.
સરહદો સૂની હશે તો ચાલશે,
શહેરમાં ચાલે નહીં પહેરા વગર.
મોરને કો’ બાજ પક્ષી લઈ ગયું,
સીમ સૂંની થઈ ગઈ ટહુકા વગર.
કોક દિ’ દીવો પવન સામે ધરો,
કોક દિ’ ચલવી લો અજવાળા વગર.
No comments:
Post a Comment